Раённы этап рэспубліканскай патрыятычнай квэст-гульні 
«Па слядах Перамогі…» сярод акцябратаў

Насычанымі сталі апошнія дні асенніх канікулаў у акцябратаў Шчучынскага раёна 1-3 класаў. 9 лістапада на базе ГУО «Шчучынскі палац творчасці дзяцей і моладзі» праводзіўся раённы этап рэспубліканскай патрыятычнай квэст-гульні «Па слядах Перамогі…».

Акцябратам неабходна было прайсці па слядах Перамогі, як гэта зрабілі нашы землякі, прабабулі і прадзядулі. Для гэтага трэба было справіцца з заданнямі на 5 станцыях маршрута: «Шыфравальная», «Пісьмо з фронта», «Міннае поле», «Замочная», «Акцябрацкі КВІЗ «Знай нашых».

Пераможцам квэст-гульні стала каманда «Факел» з піянерскай дружыны імя М.Казея (ДУА «ВПК Галавічпольскі д/с-СШ»).

Другое месца атрымала каманда з піянерскай дружы імя У.Урублеўскага «Праўнукі Перамогі» (ДУА «Жалудоцкая СШ імя У.Урублеўскага). 

З трэццім месцам павіншавалі каманду «Іскрынкі» з піянерскай дружыны імя Н.Багданавай (ДУА «Сярэдняя школа №3 г. Шчучына).

Зараз свайго старту чакаюць старэйшыя сябры акцябратаў – піянеры. Гульня адбудзецца 23 лістапада ў ДУА «Шчучынскі палац творчасці дзяцей і моладзі». Жадаем поспехаў!

Старшыня РС ГА «БРПА» Шылко В.Ю.

Фота Немна Л.Н.